Aruba Beach Tennis Open keto bay wardando riba desicion di Gobierno

SETAR 3GB Free Data den February
PPG Super Descuento
RBC Mortgage Switch Campaign 2019
i10 Sedan

Organisadornan di Aruba Beach Tennis Open ta preocupa y nan tin e rason pa esaki. Ta un evento hopi grandi cu tur hende conoce den e luna di November riba Eagle Beach.

Cambia, Spaar y Gana
Fabulous Carnival

Awo nan tin cu concretisa cierto cosnan. Ta trata aki di un evento cu ta atrae miles di turista pa Aruba den un siman di tempo cu hopi actividad riba beach.

E evento aki ta uno mundial y tin gruponan grandi di afo cu ta promoviendo Aruba su evento, cu ta asina popular.

Sjoerd de Vries, presidente di Beach Tennis Aruba, a splica cu nan ta wardando un luz berde pa nan location. Internacionalmente hopi hende kier a book nan ticket y agencianan di biahe ta bezig cu nan planning. Awor aki tur cos ta pendiente ainda, pasobra no tin un luga. Pa motibo di medio ambiente, segun beach policy no mag di tin mas evento riba Eagle Beach. Pero unda por organisa un Beach Event. E no yama parkinglot tennis. E yama Beach Tennis.

Por bira golpi duro pa turismo: Aruba Beach Tennis Open den peliger di existencia

Posted by 24ora on Monday, February 4, 2019

Por ta un posibe luga, ta Bushiri, pero e no ta cla. Ta hopi trabao. Awor aki e unico luga cu por organisa un evento asina grandi, ta Eagle Beach.

Ta wardando un reunion cu ministernan Oduber di Infrastructura, Turismo y Deporte. Ta sperando pa e reunion aki y pa haya un claridad pa e luga y futuro di e evento.

Dialogo cu Minister Dangui Oduber

Segun de Vries, a papia cu minister Dangui Oduber caba. E ta hopi positivo pa e evento. E kier pa e sigui. Unico cos cu mester, ta un luga. Pero lamentablemente no ta den su man. Tin di compronde cu esaki ta den man di ministerio di infrastructura. Ta hopi importante si e evento ta sigui. Pa un evento asina mester ta responsabel pa e medio ambiente, biodegradabel. Ta organisa e evento manera un tipo di Beach Cleanup. Ora cu ta cla, e beach mester ta mas limpi prome cu nan a yega mes. Esey ta e meta.

Opcion

No tin opcion pa bay otro caminda, mirando cu tin mester di 38 cancha. 1400 atleta a participa aña pasa y pa e aña aki lo tin mas ainda. E desaroyo di Beach Tennis ta increibel. Rond mundo mas hende kier hunga beach tennis. Automaticamente, tur hende kier bay Aruba. Nos ta den bucket list, segun de Vries. Ta spera mas of menos 1800 participante, sin conta famia y conocinan. E potencial di e evento aki ta manera un evento mas grandi cu nunca antes a yega di conoce na Aruba. Den futuro no sa cuanto hende lo kier bin y mester controla e desaroyo. Calidad ta mas importante pa e organisacion.

Ta pa e motibo aki e evento aki ta uno miho di mundo.

Prensa internacional

Tin hopi atencion di parti di prensa internacional. E organisacion a firma cu un productor y ta buscando un broadcaster. BBC Sports y Discovery Channel kier bin pa haci un serie riba e Aruba Beach Tennis Open. ITF (International Tennis Federation) ta host di e campeonato mundial di Beach Tennis y nan kier pa Aruba bira e capital di Beach Tennis rond mundo y esey ta hopi interesante pa e isla.

Limpiesa

E organisadornan ta cera full e area. Nan tin e waste management budget mas halto despues di Carnaval. Nan tabata tin un presupuesto di mas di 30 mil florin aña pasa. Cada 20 meter tin un drum. Persona di Serlimar a traha duro durante e evento aki, tur dia. Cada dia y anochi, ta haci e beach limpi. A cuminsa cada dia cu un beach limpi y ora cu e evento a caba completo, ta haci limpi dos pa tres siman. Ora e ta full cla, Strandpolitie ta bin y nan ta firma cu e beach ta limpi. Esey ta un prioridad di e organisacion.

Strandpolitie

Strandpolitie ta cu e organisacion. Nan ta haci un hopi bon trabao. Semper nan ta yuda y ta controla. Y si tin algo cu no ta na su luga, ta avisa e organisacion di biaha. E relacion cu Strandpolitie ta hopi bon, segun de Vries. Pa e organisacion, ta casi manera un formalidad. Awo tempo ta forsa nan pa pusha un tiki pasobra no por warda mas. Partnernan internacional ta wardando riba nan.

ATA

ATA ta full cu e organisacion. Nan ta super positivo y ta un evento cu ATA tambe ta hinca aden. Nan ta mira cu hopi excitacion desaroyo di Beach Tennis. ATA ta un di e partnernan di mas grandi y importante di e organisacion.

Urgencia

Segun de Vries, ta pidi pa yega na un resolucion mas pronto posibel. A haya confirmacion si caba y ta hopi positivo pa e reunion. E ta sigur cu lo haya e solucion pa esaki.

Planeamento

Dia 11 pa dia 18 di November e evento lo tuma luga e aña aki tentativmente. Esaki pa colmo no ta durante di e temporada di turtuga. Ya e periodo ey a pasa caba. Den November ta den e temporada di horcan. Ta un riesgo pa nan mes, door di mal tempo y ora cu ta yobe. Pero mester di November, pasobra ta low season y no tin turtuga riba beach.

Palabranan final Sjoerd de Vries ta hopi positivo, pasobra ta un success story. E evento aki ta hopi bon. Desaroyo ta super positivo. E ta spera pa e reunion cu e ministernan. E ta sigur cu lo haya un solucion.

Comments

comments

Island Finance – Carnaval