Diahuebs awo lo tin e Parada di Luz na San Nicolaas. Esaki lo mester tabata e di 23 Parada, pero si kita e dos añanan cu no tabata tin door di e pandemia, e lo ta e di 21 parada di Luz.
Tabata na 2000 cu a cuminsa cu esaki door di un wega y te dia di awe, ainda esaki ta wordo organisa. Prome cu aña caba, e Comision Organisado a reuni cu Presidente di SMAC, Darren van Ommeren. Asina Janine Rodriguez di e Comision Organisado Parada di Luz a cuminsa na bisa. El a sigui bisa cu e Parada di Luz lo sali pa 8:00pm. .
E prome aña nan a ranca sali, na 2000, el a pasa varios cas y a forma cinco grupo. Tabata tin un aña cu e Parada di Luz tabata tin no menos di diesdos grupo. Un di e reglanan cu nan a bin cu ne, tabata cu no ta bisti ni t-shirt y tampoco polo-shirt. Esey no ta aceptabel. Tur hende mester bin netjes bisti.
Den e ultimo añanan por a ripara cu e gruponan ta bay c’un costuum pa e Lighting Parade di Oranjestad y nan tin un otro costuum tambe p’e Parada di Luz San Nicolaas. Segun Rodriguez, esey ta tur aña, nan ta busca tur dos, uno pa cada parada.
Un mensahe cu Rodriguez a bisa cu e parada yama Parada di Luz, pa por fabor, pone luz na e costuum, carosa, truck y auto. Luz ta henter e esencia di e parada aki.
E aña aki por bisa cu por spera como cuater pa cinco mil hende riba pia e anochi aki.
Gruponan participante:
– Royal Carnaval Group – Massive Brassband/NBO – 300 participante
– Get Rich – Upgrade Music -200 participante
– Empire Carnival Group- Buleria- 750 participante
– Infinity Carnival Group – DLS – 350 participante
– TOB -NFuzion/Groove Masters- 1300 participante
– Champagne Carnival Group – Tsunami – 1400 participante
MENSAHE
Un mensahe cu Janine Rodriguez tabata tin pa e mayornan cu ta bay cu nan yiunan wak e parada, pa por fabor, pone earplugs den orea di e muchanan. Y si nan ta malo, please no bay parada cu nan y absolutamente, no duna e mucha remedi riba caya. Keda cas! Cuida nos muchanan, cu ta hopi mas importante cu Carnaval.
