Tur cos ta cla pa Jazz Appreciation Month 2018

Nos departamento di redaccion a logra reuni cu Carlos Bislip cu ta e organisador di e celebracion di Jazz Appreciation Month y International Jazz Day aki na Aruba.

Nos a compronde e aña aki ta e di 13 edicion di JAM cu Carlos ta organisando.

Carlos a cuminsa cu e serie di concierto aki na aña 2006 cu a tuma lugar na den sala chiquito di Cas di Cultura despues a wordi presenta pa varios aña dilanti di Biblioteca Nacional di Aruba (BNA). Den e añanan cu a transcuri e celebracion a tuma lugar na varios otro lugar entre otro na Scol di Arte na San Nicolaas, dilanti Cas di Cultura, Plaza Turismo, Renaissance Marketplace, Fusion den Alhambra Mall.

Pa e prome 9 aña nan di  e celebracion Carlos a inclui den e presentaicion un combinacion musiconan professional y alumnonan mas avansa di Scol di Musica Rufo Wever.

Na aña 2015 e celebration di Jazz Appreciation Month y International Jazz Day pa prome biaha a  inclui su line up un Artista Internacional / Educadora cu ta Lenora Helm. Den e añanan cu a sigui Carlos a invita varios Artista Internacional / Educador entre otro Edsel Gomez, Mariano Morales, Mitch Froman.

Un aspecto hopi importante di e actividad aki ta cu e Artista invita lo duna un workshop relaciona na e Arte cu nan ta domina pero tambe nan ta coach y presenta cu e alumnonan avansa di Scol di Musica Rufo Wever.

Pa e aña aki Carlos tin como Artista invita Ed Saindon cu a un Professor di Berklee College of Music cu e aña aki ta terminando su 41 aña di duna les na e prestigioso college aki.

Banda di duna les na Berklee Ed Saindon ta hopi activo como performer na varios paisnan entro otro na Europa, Asia. Ed tambe ta autor di varios buki di improvisacion di Jazz.

Ed a coach y lo presenta un grupo di alumnonan avansa di Scol di Musica Rufo Wever cu ta presenta bow di e number New Collection. E grupo aki ta consisti di   Stephen Diaz Drums, Terrance Green Piano, Moise de L’Isle Bass, Jean Claude Richardson Guitary y Denzil Tromp Congas.

NCCU Singers ta un grupo di cantante di North Carolina Central University cu ta assisti Lenora Helm cu e Aruba Vocal Jazz Ensemble.

Black Coffee ta un grupo di 4 musico Arubiano cu ta biba na Hulanda e musiconan di e grupo aki ta Delbert Bernabela Sax, Jose Croeze Bass, Sterling Peterson Guitar anto e Leader riba Drums Siegfried Hart.

Caribbean Combo ta e ensemble di alumnonan un poco mas jong di Scol di Musica Rufo Wever.

Aruba Vocal Jazz Ensemble (AVJE) ta e esfuerso cu Carlosa cuminsa cu ne na aña ora ela recummunica cu un colega di dje Berklee College of Music Lenora Helm.

Lenora pa 12 siman prome cu e celebracion di Jazz Appreciation Month ta guia via skype e grupo di cantante aki pa asina duna un presentacion na nivel.

E “AVJE” a cuminsa na aña 2015 cu 5 cantante anto e anna aki ta consisti di 19 paricipante.

E idea di JAM a nace den e seno di “The Smithsonian Institute” na aña 2001 anto a designa luna di April como e luna pa celebra esaki cu meta pa concientisa e pueblo Americano di e importancia di Jazz anto con presencia di esaki ta engrandese e biba di esnan cu participa den dje como musico y tambe como audiencia.

Na aña 2011 UNESCO a declara April 30 como International Jazz Day mirando cu e forma di Arte aki tin e elementonan cu ta connecta paisnan, grupo etniconan y culturanan cu otro pa asina crea harmonia entre ser humanonan.

E celebracion aki ta conta cu Workshop riba varios topico.

Vocal Workshop cu Samatha Willams

Guitar Workshop cu Sterling Peterson

Workshop riba  Fundamentals of  Jazz Improv pa Ed Saindon

 Drum Workshop cu Siegfried Hart.

E line up di Artista, fecha y lugar pa cu celebration di JAM 2018 ta

April 29 na Casibari Musica Café

New Collection cu Ed Saindon

NCCU Singers

Black Coffee

April 30 na Renaissance Marketplace.

Caribbean Combo cu Delbert Bernabela y Eduardo Maya.

Aruba Vocal Jazz Ensemble (bow di direction di Lenora Helm)

Carlos Bislip & Friends cu Ed Saindon y Lenora Helm

Carlos kier menciona cu por haña mas informacion di e Celebracion di JAM aki na Aruba riba e Facebook page Carlos Bislip’s Jazz Expo.

Carlos kier tambe gradici su sponsors cu ta entre otro “Prins Bernhard Cultuurfonds”  “Triple A”  “UNOCA” , “Renaissance Marketplace”, “Aruba Tourism Authority, “Cliffix”, “SETAR”.