Departamento di Salud Publico a confirma cu ayera a test no menos di 10 persona atrobe, cu a mustra di tin sintomanan di Coronavirus. Danki Dios tur a test negativo, pues cu nan lo tin un griep regular y no e virus Covid-19. E cantidad di casonan cu a test for di dia cu e virus a yega Aruba te cu awe a alcansa 2343.
Ta bon pa enfatisa cu actualmente e cantidad di hendenan cu ta den cuarentena, ta di mayoria cu a biaha pa Aruba for di un pais cu tin e virus. Ta trata aki di un grupo grandi di 227 persona. E cantidad di hende aki ta asina desde diadomingo ultimo, pues casi un siman caba. Asina cu nan dos simannan yega, nan por move liber atrobe riba nos isla sin restruccion of limitacion di “keda paden” y cuida curpa.
