E partido Blanco lo bay entrega su lista y tey presente pa entrega e lista.
Ricardo Croes y demas miembronan di partido, a comenta cu nan a bin pa entrega e lista di e partido cu tin solucion pa e problema di e pais aki. Ta nifica cu nan ta trahando duro y ta cla pa traha mas duro ainda. Despues di eleccion di dia 22 di September, demostrando cu pueblo a fada y kier un cambio.
Nan ta bay cu 10 candidato. Ricardo Croes, kende ta lider y nr 1., Kinsasha van der Bliek, kende ta nr. 4. Rudy Lampe ta nr. 2. Nelson Quandt ta number 9. Ciro Marquez ta nr. 8 riba lisa. Nuris de Cuba ta nr. 3. Marcel Peña ta number 6, Benjamin Romano y Mitchel Lo ha Sjoe. E team ta tuma Aruba na pecho. Tin tres partido grandi na Aruba. Hunto ta cu si bo kier tiki di e mesun cos, vota geel of vota berde, e debe ta sigui crece. Vota geel of vota berde, criminalidad ta sigui crece. RED ta transparencia, maneho integro, a base di ley, a base di duna parlamento na Aruba bek y stop e stempelparlement. RED no ta grandi cu tin placa y tin hende riba payroll pa haci trabao. Nan ta bay a base di Social Media, debate, invitacionnan pa bishita hende na cas, ta e manera pa campaña. Nan tin un webpage y facebook page pa por campaña. Finalmente Ricardo Croes a bisa prome cu nan a drenta trouwraad: Vota pa e cambio, vota RED.
Loke a hala atencion di RED ta cu nan ta promoviendo cannabis medicinal.
RED no tin mester firma mirando cu ya nan tun partido existende den eleccionnan anterior. Despues di a entrega lista, Ricardo Croes a demostra su satisfaccion y orguyo pa su ekipo. Su prome experiencia ta unico y a traha duro pa forma e team. Nan ta sinti nan mes hopi positivo y a bin cu solucion pa varios problema tin. E cambio no ta pa hinca un partido grandi pa tuma parlamento over. Nos debe a surpasa e maximo di nos producto nacional. Mester realisa cu no por pone pushi cuida pisca y bo mes ta keda cu hamber. RED lo drenta y wak cua ta e cambionan cu mester cambia cu ta necesario.
Pa loke ta legalisacion di marihuana, Croes a splica cu no ta stranje den e campaña politico. E tin mas di 20 aña cu el a laga droga, el a gradua na universidad, e tabata un exito despues di e pasado ey. Esnan cu kier trece esaki dilanti ta hipocrita. E ta tata di cinco yiu ehemplar, 8 nieto y un grupo di hende grandi cu conoce, bon para den comunidad, y hasta ex gobernadornan cu ta admir’e. Traha storia sushi riba Ricardo ta demostra e bahesa y desesperacion di parti di e personanan cu ta haci asina.
E siguiente dianan ta crucial, nan lo ta campanjando riba social media. Lo ta bishitando personanan a base di invitacion. Lo ta presentando diferente video riba social media. Tambe nan lo bay tin actividadnan, cual nan lo anuncia riba social media.
