Tumament’i chens a salie caro

Dialuna atardi, algun minuut prome cu 6:00 pm a sosode un accidente riba Avenida Milio Croes, net poco mas pariba di Botica Dakota.

Un hende muhe, na stuur di e auto marca Hyundai modelo i10 a subi caminda haciendo un U-turn sin paga tino riba trafico contrario. N’e momento ey un Honda tabata riba caminda, e chauffeur no por a evita y a dal contra di dje.

E chauffeur di e Honda tabata emocional y na mes momento rabia pa con e accidente a sosode. Segun e chauffeur, tabata algo cu por a evita. Den e Honda tabatin un mucha, e tabata drumi riba vloer y kehando di dolor. Personal di ambulance a presenta na sitio pa atende cu esunnan herida.

E Hyundai no por a core mas debi cu su wiel a dobla.