Tsunami ta den preparacion pa e paradanan di carnaval. Mitch Almary a splica cu e preparacionnan di Tsunami a cuminsa for di aña pasa. No solamente pa e competencianan, pero tambe pa subi caminda.
A subi caminda duro duro pa loke tabata Parada di Flambeu. Awo a drenta e ultimo siman pa loke ta carnaval. E paradanan di mucha, paradanan di luz, Lighting Parade y e paradanan grandi Tsunami lo tey fuerte un biaha mas.
Reaccion di publico
E reaccion di publico ta uno super dushi. Ora nan scucha e cancionnan di Tsunami, e publico ta simplemente lanta cu e banda. E muchanan of e masa cu ta tras di e truck ta masivo. Cada biaha cu un cancion cuminsa, ta mira cu nan ta disfruta di dje. Bo por sinti e feeling y esey ta duna e banda bek e bon feeling pa presenta y toca e cancionnan mas dushi ainda riba caya.
Kico por spera di Tsunami
Tsunami den e etapa final awor aki di carnaval 66, siguramente ta bezig ta train otro cancionnan pa asina compaña e long play cu ta creciendo aña tras di aña. Por scucha tur cos riba caya. For di groovy soca pa un power soca. Tur cos bo lo tende riba caya y meta principal ta pa pone ambiente den e grupo cu ta tras di truck y buta ambiente cerca e publico na banda y ambiente pa carnaval di Aruba.
