“Keda So” tabata un cancion cu a bolter yen di curasonan final di añanan 80 ora cu e cancion hit aki di Chicho Kock, cantante y compositor, a lansa esaki na Aruba. E generacion despues, awo tambe ta bay disfruta di e cancion aki pero den un bachi mas moderno.
“Keda so” a subi mercado awo presenta pa TSUNAMI ft. Shinton Arends y Chicho Kock.
Ya caba e version nobo a bay pa radio emisoranan y tambe ta disponibel online. A pone e cancion di Chicho Kock den man di e maestro Michael Odor, kende a percura pa dun’e su estilo nobo y a guia e grabacionnan tambe.
Tsunami kier a gradici tur e musiconan di Tsunami, Chicho Kock y tambe e musiconan invita cual ta Hernan, Andy, Denny Zavala, Chris Kross y Edgar Primienta.
E maneho di Tsunami di antemano ta gradici cada un pa nan sosten y ta desea pa cada persona disfruta di e bunita cancion ‘Keda So’.
