Trump ta alaba e trabao di Bannon

“Mi kier a gradici e servicionan di Steve Bannon. El a yega na e campaña ora cu mi tabata enfrenta e fraudulento Hillary Clinton y e tabata genial,” e magnate di New York a skirbi riba su cuenta oficial di Twitter.”
E Gobierno Mericano a anuncia diabierna cu Bannon a laga su funcion sin duna mas splicacion. Algun fuente cita pa prensa local ta indica cu e lo a renuncia y otronan el a apunta, en cambio, na un disminucion pa su friccionnan cu otro miembronan di e Gobierno.
Di su parti, e corant Mericano “New York Times” a informa cu Bannon a entrega su retiro na Trump dia 7 di Augustus ultimo y su salida di e cargo lo a bay wordo anuncia e mesun siman aki. Sin embargo, el a wordo cancela debi na e violencia na Charlottesville.
Tambe, hopi ta vincula su retiro na e sucesonan di siman pasa na e localidad aki di Virginia, unda cu e retiro di e estatua di un general confedeera a desata enfrentamento entre gruponan di ultraderecha – neonazinan y supremacistanan blanco y su detractornan lagando tres morto y hopi herido.
Bannon tabata un di e elementonan mas polemico di e circulo cercan na Trump pa su ideanan ultranacionalista rupturista y antigubernamental, loke a haci cu a caba den e punto di bista tras di algun declaracion di e presidente unda cu el a nenga na culpa e ultraderecha di e violencia na Charlottesville.
Na e margen di e asunto aki, Bannon tambe a protagonisa enfrentamentonan cu practicamente tur e integrantenan di e circulo di confiansa di Trump, cuminsando cu su yerno, Jared Kushner, e ex hefe di e Gabinete y representante di e Partido Republicano – Reince Preibus of hasta Forsanan Arma y e comunidad di inteligencia.

“Hopi anima”
Bannon a recupera su puesto anterior poni dilanti di e webpage ultraconservador “Breitbart News” y a asisti riba e mesun diabierna na un reunion editorial.
“Mi ta sinti mi mes hopi anima. Awo mi ta liber. Mi tin mi mannan un biaha mas riba mi armanan. Un hende a bisa: Ata Bannon “e barbaro” ta bin,” el a bisa.
“Mi ta bay caba cu e oposicion, no tin duda di esey. Mi a construi un gran mashin den “Breitbart” y awo mi tey di buelta. Sabiendo loke mi sa, nos ta bay uza e mashin aki,” el a añadi.