Trudy Hassel den un silencio

Loke cu a hala atencion dialuna den oranan di atardi, ta yegada di hefe di Guarda Nos Costa, Trudy Hassell na oficina di Gobierno.

Manera ta conoci, pa 3’or di atardi sindicato SEPPA su delegacion a reuni cu Minister di Husticia Andin Bikker riba disgusto reinante na e departamento dirigi pa Trudy Hassell. A pone bon cla cu definitivamente e trahadonan no kier e señora den e puesto ey.

Loke tabata remarcabel ta net na momento cu e delegacion di SEPPA a finalisa e reunion, sra. Trudy Hassell a yega na e sitio cu un sonrisa riba su cara na momento cu el a mira presencia di 24ora.com.

E reunion cu e mandatario a dura menos cu un ora y na salida cu e mesun cara e funcionario a nenga di duna declaracion, y no kier a splica si su presencia na Bestuurskantoor tin deber cu e demanda di sindicato SEPPA pa pone den un otro funcion y otro caminda.

E situacion na GNC parce poco poco ta escalando. E trahadonan a pone bon cla pa nan sindicato cu nan no ta wanta mas y cu si e Minister no tuma accion, nan si lo bay den accion ya cu mayoria di e trahadonan ta contra e forma di maneha di Trudy Hassell cu ta yega cerca di ta un dictador, ta tuma represalia contra esnan cu no ta di acuerdo cun’e of ta intimidanan. E mandatario a keda di contesta e trahadonan den algun dia.

Trudy Hassel den un silencio total

Trudy Hassel den un silencio total. Click e link pa mas https://24ora.news/2LmOsqy

Posted by 24ora on Monday, July 15, 2019