Den un accion cu a tuma luga diaranson mainta na Corsou, trucknan di greis a blokia entrada di WTC na Corsou. Esaki relaciona cu e problema di greis cu tin na Corsou.
Esaki ta sede di Domeinbeheer cu ta e departamento di Gobierno cu ta atende cu asuntonan di greis. Pa basta luna caba e trucknan ta bay busca greis, pero no ta haya e material aki. E ora nan ta haya cierto seronan cu nan ta coba, y Polis ta yega partiendo boet cu ta yega 2500 florin, ora cu haya nan ta coy e material aki sin permit.
El a yega su punto culminante na momento cu Serlikor cu tin un tereno grandi di greis cu por bende nan esaki, pero ta prefera uza e greis limpi aki pa tapa sushi cu nan y no bende nan.
E manehadonan di e trucknan aki por haya greis sushi cu por tapa sushi cu nan, pero Serlikor no ta acepta esaki y ora cu basha esaki na Serlikor, e departamento aki ta cobra nan un montante astronomico.
Pa e motibo ariba menciona, nan a dicidi di acudi na Domeinbeheer pa papia cu director Jairo Martis, kende no kier a sinta cu nan. Pero finalmente ora cu e trucknan a blokia e entrada, a acepta pa sinta na mesa y kende a priminti di busca e solucion.
E manehadonan / doñonan di trucknan a dicidi cu ta blokia e entrada y salida te ora cu nan haya un solucion. Jairo Martis a dicidi di sali cu Polis pa sinta na mesa atrobe y yega na un solucion, siendo cu nan mes a presenta un solucion.
E por wordo regla di un forma pa nan haya greis cu nan mester entrega awe na clientenan, cu awo no tin. P’esey nan a exigi un solucion pa awe.
