Tripulante di tankero a haya ataca di curason y a fayece

Mainda, pa mas of menos 7’or, Centrale Post ta dirigi polis maritimo pa e tankero “Sofia”, unda cu lo a haya un curpa sin bida. E tankero a bin mara na waf di APA, pa asina polis maritimo por haci nan trabao. Pa 2’or y 10 di merdia, dr. Texier a constata morto di Cristobal Jesus Jimenez Sanchez, naci dia 17 di Februari, 1960 na Venezuela. E persona aki tabata tripulante di e tankero y segun cu tin entendi el a haya ataca di curason.

Bureau slachtofferhulp ta bezig pa cu e proceso pa por informa e famia y pa asina por manda e curpa bek pa su pais. Pastoor Jairo Maduro tambe a wordo yama na e sitio pa e efectua e ultimo ritualnan.