Trio cu weg’i spada a caba na hincamento

Diabierna anochi polis a bay pura na Pos Chikito pa motibo di un atraco. Na yegada di polis no tabata tin nada. Tabata mas bien un acto di trio entre tres homber. Den e proceso cu nan wega di “spada” algo a bay robes. 

Na dado momento un a hinca e otro. Polis a topa mas cu un hende cu corta na curpa. A pidi dos ambulance cu a yega n’e sitio. Uno a sali mesora cu sirena direccion hospital. E otro herido e personal di e di dos ambulance a atende cu ne tambe. No tabatin detencion. Polis a tuma tur dato y a saca conclusion cu no ta atraco pero si un wega amoroso entre tres persona di mesun sexo cu a caba di hincamento.