Cu colaboracion di artistanan manera Bad, Alina y Carly Black, e formacion Tribal Kush, consistiendo di Allymar y Kevin, ta biniendo all out riba mercado internacional cu ritmonan sumamente pegahoso.
Mesclando diferente vibracion cultural hunto y cu e combinacion di presentacionnan sumamente energetico riba escenario, Tribal Kush definitivamente ta un experiencia. Treciendo ritmonan Afrocaribense den e EDM Hulandes, ta e miho manera pa describi e musica cu nan ta produci.
Pero no solamente e ta bay riba e musica, sino e union cu nan ta trece y e fluho organico entre e dos cabayeronan aki. Musica ta manera un di dos naturalesa pa ambos y nan presentacion ta nan ideologia pa conecta cu nan fanaticonan y e manera cu nan por laga abo sinti manera na cas.
“Nos a bay fo’i perdi den selva pa namora cu e zonido di Basshall”, ta loke nan ta enfoca riba dje.
Y awo nan ta na Aruba y dia 31 di juli proximo nan lo tin un presentacion den Patio 15, treciendo lo miho di lo miho.
