Tres SUV den accidente cadena di cuater auto

Diaranzon mainta a sosode un accidente riba e caminda di LG Smith Blvd. Cuater auto tabata envolvi. E tabata net dilanti di oficina di turismo ATA na altura di e Zebra Pad.

E auto chikito ta esun mas patras y a dal tras di un SUV. Tres di e autonan dilanti ta SUV. E impacto tabata basta fuerte pasobra e daño material ta grandi riba cierto auto. Tabata tin tambe heridonan leve. A atende cu e accidente. Polis di trafico a ser avisa di e caso tambe. Un di e chauffeurnan no por a mustra Forensys su rijbewijs y esey a causa cu Polis di trafico a bay pa atende tambe.