Tres pashent nobo di coronavirus

9764

Prome Minister Evelyn Wever Croes den e conferencia di anochi a anuncia cu tin tres caso nobo, pa yega na un total di 12 caso di pashentnan cu a test positive pa COVID0-19. Un ta un pashent cu a bini di Colombia, mientras cu e otro dosnan ta contagion local.

Haciendo un analisis di e grupo contagia, segun e mandatario, e grupo di esnan contagia ta entre 22 y 67 aña. Di e tres casonan nobo, uno ta di un persona cu a bini di Colombia y dos otronan ta residentenan local cu no a biaha. Tur tres ta den bon estado y ta mustra sintomanan leve.

Na mesun momento a keda anuncia cu tur bar y restaurantnan ta cera pa publico. Nan por keda habri te 8’or di anochi pero pa take out of entrega solamente. Pompstationnan tambe mester pa 8’or di anochi.

Na mesun momento a informa cu mañan lo cuminsa yega Aruba e hendenan residente cu a keda pega den exterior, principalmente for di Colombia unda tin tres vuelo, for di Bogota, Medellin y Barranquilla. Personanan cu ta pega a Colombia mester percura pa yega na un di e puntonan mayan, cu ta e ultimo dia cu por biaha entre ciudadnan na Colombia.

Tur esaki por haci via di ATA. Awe a cera e lineanan pa procesa tur informacion cu a drenta. Awo tin 227 persona pega den exterior, di cual mayoria ta di Colombia, pesey a concentra riba e pais aki. Otronan di Merca a yega awe caba y otronan a haci areglo pa drenta for di Hulanda.

Pa diaranson mainta tin un vuelo di Medellin, atardi tin un buelo di Barranquilla y diahuebs tin un vuelo cu lo sali for di Bogota. Ta importante pa move rapido pa un di e tres ciudadnan aki pa mañan.

E lineanan ta keda cera awe pa atende esnan di Colombia.