Ora cu e stranheronan menos a spera, a wordo sorprendi door di funcionarionan di Migracion Colombia y ta expulsa di e pais.
Tres ciudadano Hulandes a yega e Villa de Leyva, na Boyacá dia 17 di maart ultimo. E stranheronan cu a yega Colombia via di Bogota dia 15 di e luna aki, no a respeta e cuarentena ordena door di Gobierno Nacional pa cual autoridadnan, despues di a topa cu nan, a cuminsa cu e proceso di expulsion.
Despues cu habitantenan a bati alarma pa presencia di e Europeonan riba caya, autoridadnan mesora a mobilisa.
“Danki na e operativonan ey nos a topa cu ciudadanonan stranhero cu no a cumpli cu e normanan, nan a wordo presenta dilanti di “Migración Colombia” y expulsa,” Javier Castellanos, alcalde di Villa de Leyva a bisa.
E funcionarionan a bay directamente na hotel di e Hulandesnan, kendenan a wordo splica e consecuencianan di no respeta e 14 dianan di aislamento.
Funcionarionan di Inmigracion a escolta e auto di e Hulandesnan pa entrega nan auto di huur, pa despues hiba nan aeropuerto El Dorado y pone nan riba avion rumba pa nan pais di origen.
Nan camber mester pasa den proceso di desinfeccion y aislamento di e personal cu a atende cu nan.
Potret di: Blu Radio
