Poco informacion autoridad kier duna den e caso andando caminda tin tres homber local deteni pa sospecho di Pornografia Infantil. E hombernan aki nan edad ta varia den 30,40 y 50 aña. Internacionalmente tin atencion pa esnan cu ta download tur e tipo di websitenan aki. Na momento cu redflag, e pais unda ta investiga ta notifica mesora e pais concerni. Esey ta netamente loke a pasa na Aruba tambe. Mescos tin gruponan trahando contra terorismo, tin tambe esnan cu ta sigui movecion di esnan cu ta download websitenan of videonan cu tin di haber cu pornografia infantil. Pesey mes e departamento di Jeugd en Zeden Politie a cay aden y notifica autoridad. Ministerio Publico a guia e investigacion cu JZP. Cu e material acumula a bay over na cuminsa detene esnan sospecha. A detene como 7 homber na prome instante. Den e proceso a laga cuater bay liber. Mester remarca cu cada caso ta riba su mes. No ta trata di tres sospechoso den mesun caso. Ta tres caso diferente y cada sospechoso tin cu presenta den corte pa su caso. Pa buena marcha ta bon pa esnan cu gusta download e tipo di cosnan asina mester tene cuenta pasobra e wowonan di husticia internacional ta riba nan.
