Diabierna den oranan di merdia a manda Polis di Noord pa un auto marca Mitsubishi modelo Lancer coriendo malo riba caminda den area di Aruba Marriott Resort bayendo nort. Ora Polis a yega nan no a topa e auto mesora. A keda tira bista y un rato despues a topa e auto para na un supermercado na Saliña Cerca.

 

Polis a haci un control mesora riba e auto pero e actuacion di e hobennan tabata masha sospechoso. Durante control a topa cu droga den nan poder y tambe a haya atributonan di droga. A detene e trio.

 

E hobennan ta conoci trahando na un supermercado local. Esnan cu conoce ta bisa cu den e trio tin un bendedo di droga, cu tambe tabata of ta traha na e Supermercado. Eynan e sa bende otro coleganan hoben droga y ta bay na auto cu nan pa busca esaki.

A transporta e trio sospechoso pa Warda di Polis pa detene nan y tuma nan datonan, pa despues hinca tur tres den dogcatcher atrobe pa hiba nan oficina di recherche encarga cu droga. Eynan a sigui e proceso di interogacion.

Polis ta investigando tres hoben sospechoso cu a haya cu droga den auto. Polis a detene e trio y hiba nan pa recherche…

Posted by 24ora on Friday, November 23, 2018

Comments

comments