Tres persona a resulta herida den accidente pa falta di preferencia riba crusada pa zuid di RCA, Kamerlingh Onnesstraat cu Hubadastraat. Chauffeur di Honda Civic a dal den Mitsubishi Lancer. E ocupante sinta banda di e chauffeur den e Civic a resulta herida na su pia.
Den e Lancer e chauffeur a resulta gravemente herida, otro ocupantenan a haya sla tambe. Polis a cera caminda completo. Tres Ambulance y dos unidad di Rapid Response a presenta na e sitio. E chauffeur di e Honda Civic no tabatin rijbewijs. Team Forensico y Departamento di Trafico ta investigando e caso debi herida serio cu chauffeur den e Lancer a ricibi via impacto.
