Tres fundacion a bini hunto cu e meta pa trece otro aña material di deporte Aruba. E fundacionnan ta Sport For Youth Foundation, Sport for Children y Miss IQ y a uni pa traha hunto pa deporte.
Leo de Hertog, presidente di Sport For Youth Foundation, a splica cu nan a trece container cu material di gym. Pa esaki nan a haci cierto afspraak cu e sponsornan.
Jan Willem Geurts, presidente Sport for Children, a splica cu dies aña pasa nan a cuminsa recoge material di gym, pero durante aña nan tabata bay Corsou. E biaha aki a dicidi di bin cu material Aruba. Nan ta contento ya cu un dje sponsornan a informa cu ta bay bin seis container di material pa Aruba. Esey kiermen cu probablemente mas hende lo por yuda mas despues den manda container aki. E ta gradici na tur cu a yuda haci posibel pa manda material pa scol y gym.
Ruth Groenewoud, presidente fundacion Miss IQ, a indica cu nan ta haya diferente material escolar di diferente scol rond Hulanda. Asina ey nan ta trece seis container otro aña rond di maart y esey ta nan meta.
Pa cobertura mas amplio, lesa e edicion di TREMPAN mañan.
