Dos fecha pa Festival Un Canto pa Aruba su Himno y Bandera

Ta bay tin dos festival, dedica na Aruba su Himno y Bandera, mientras cu e di tres categoria, di adulto, lo tin solamente e final cu no a tuma luga aña pasa. 

Aaron Arenas ta e persona encarga pa organisa Festival un Canto pa Aruba su Himno y Bandera den tur tres categoria (infantil, hubenil y adulto).

Ta bay trata d haci algo special e aña’ki mirando cu Aruba ta recorda 45 aña di Himno y Bandera. “Nos no por a keda sin haci algo special e aña’ki,” Arenas a splica. Den cuadro di esaki a reuni diferente biaha cu diferente instancia pa finalmente yega na e decision di kico ta bay haci.

Dos fecha pa Festival Un Canto pa Aruba su Himno y Bandera

Dos fecha pa Festival Un Canto pa Aruba su Himno y Bandera

Posted by 24ora on Thursday, February 18, 2021

A programa pa e evento aki tuma luga den Renaissance Convention Center riba 6 y 7 di maart, cu ta e prome fin di siman di luna di maart. Por corda cu aña pasa e final di adulto no a tuma luga. Pa e motibo ey pa loke ta e seccion di adulto, ta bay tin e parti final solamente. Pues ta bay tin e 20 finalistanan compaña pa 11 diferente grupo. Esaki ta tuma luga riba 6 di maart.

Inscripcion pa categorianan infantil y hubenil ta habri caba y ta cera dia 21 di februari awo pa mey anochi. Esnan cu ainda ta interesa pa inscribi, por subi riba pagina di comision promove cultura y haya tur informacion.

Ta corda cu e entrada ta gratis, pero e publico lo ta limita, debi na reglanan di COVID-19. Canalnan di television, e pagina di Facebook y radionan local lo transmiti e eventonan.

Arenas ta haci un apelacion na mayornan pa inculca e cultura di Aruba den e muchanan.