Na comienso di e aña escolar nobo, un total di 3 docente a haya reconocemento, pa motibo di nan aporte na enseñansa y na Colegio Arubano. Ta trata aki di Duke Croes cu 40 aña di experiencia, sigui pa Annie Sneek cu 35 aña di dedicacion y Annette Peterson cu a cumpli 30 aña dunando les na studiantenan. Tur tres ta orguyoso di ta brindando educacion na alumnonan di Colegio Arubano, tanto pa e seccion HAVO como tamba pa e seccion na VWO.
Duke Croes ta eherce su trabou den enseñansa pa 40 aña caba y e ta sigui como docente di Geschiedenis na Colegio Arubano. Annie Sneek tin un trayectoria di 35 aña den enseñansa. E tabata e prome hende muhe cu a bira Conrector na Colegio Arubano y e ta continua cu su trabou di hopi aña, esta docente di Spaño. Annette Peterson-Bredie, tambe a conmemora e hecho cu pa 30 aña e ta docente di Ingles na Colegio Arubano.
Cada docente a ricibi un boket di flor for di Rector di Colegio Arubano, Michella van Loon, cu a expresa palabra di elogio pa e dedicacion y e entusiasmo cu tur tres docente ta demostra diariamente na e studiantenan.
