Tres dia caba: Casonan activo di Coronavirus ta bahando na Aruba

Segun resumen di Departamento di Salud Publico, DVG, awe tin no menos di 38 persona cu a recupera di Covid-19. A registra un total di 21 caso nobo di Covid-19, di cual 8 ta no-residente. E cifra di no-residente positivo ta encera no-residente cu ta test na aeropuerto na nan yegada y na laboratorionan prome cu bandona Aruba. Awe tin 327 caso activo na Aruba, mientras cu e casonan fatal relaciona cu Covid-19 ta 62.

E cantidad total di testnan ehecuta ayera diasabra na e diferente localidadnan na Aruba, entre otro laboratorio di hospital, laboratorionan priva y aeropuerto ta 573 test. Consecuentemente e ‘Postivity rate’ entre nos residentenan ta 16%

Dr. Horacio E. Oduber Hospital a informa cu tin un total di 18 persona interna di cual 9 ta den unidad di cuido intensivo y 9 otro pashent ta interna riba unidad general di Covid-19. Edad promedio di pashentnan interna den hospital pa extra cuido ta 64 aña.