Tres di shete minister a vacuna

1583

Dialuna atardi a tuma luga un ceremonia special den Compleho Deportivo G. F. Betico Croes. Aki ta caminda cu  tres di shete minister di Gabinete Wever-Croes a ricibi e vacuna conta Covid-19.

E tres ministernan cu a ricibi e vacuna awe tabata mr. Evelyn Wever-Croes, Dangui Oduber y mr. Xiomara Maduro. Nan a canalisa e proceso normal ora di vacuna, pues registra, meld y sinta warda pa nan turno manera tur otro hende a y lo haci. 

Tanto minister presidente y su gabinete a cambia di opinion. Ta corda ainda con algun dia pasa e prome mandatario a bisa cu e no lo tuma e vacuna pa awo debi cu, lo hacie egoista si e haci esey mientras cu tin hopi hende cu mester di dje prome cu ne.

Pero e interes ta abou, a opta awe den oranan di merdia pa nan tuma e vacuna como estimulo pa e comunidad. E prome mandatario a menciona tambe cu: “Tin pa tur hende.” A spera como diesshete pa diesocho mil hende grandi registra, pero ta cinco mil so a hacie. Esey ta mustra cu e interes ta hopi abou. Pa e siman aki lo tuma desicion si lo sigui cu e proximo grupo pa vacunacion, debi na e cantidad asina poco cu a registra pa e grupo di 60+.

Tres di shete minister a vacuna

Tres di shete minister a vacunaClick link pa mas: https://24ora.news/37FiKhR

Posted by 24ora on Monday, February 22, 2021