Tres detencion: Pa caha di cerbes a hera mata otro na Turibana

7127

Na Turibana Polisnan a actua pura ora cu a drenta informacion cu tin un pelea andando. Hasta tin arma den e pelea y bringadornan kier mata otro. Na yegada di Polis a topa cu un problema entre tres homber. Polis a bay atende e caso y ta resulta cu e hombernan a bringa cu otro pa un caha di cerbes.

Un di nan a bay ataka e otro dosnan cu piek. Eynan cos a bay for di man y e otro dosnan a bay pe mesora. Nan a agredi esun cu piek y lage herida. Polis a detene esun cu piek pa intento di asesinato. E otro dosnan tambe a keda deteni pero pa agresion y bringamento dos contra un otro persona.

A hiba esun prome warda den dogcatcher. E otro dosnan a bay hunto apart den dogcatcher pa evita mas bringamento. A confisca e piek usa como arma. Tambe na warda recherche y subfiscal lo atende cu henter e situacion. Finalmente tur a keda cu gana di bebe cerbes pasobra henter e problema di agresion tabata pa un simpel caha di cerbes.