Tres detencion durante protesta encabesa pa Reginald Danies

8725

Diabierna atardi varios unidad di Polis a mobilisa nan mes pa Bestuurskantoor riba L G Smith Boulevard. Esaki tabata relaciona cu varios yamada cu nan a ricibi di un protesta cu lo ta strobando trafico.

Na momento cu Polis a yega nan a topa cu e conocido di Polis Reginald Danies hunto cu dos otro persona. Un di nan tabata tin un bandera grandi di Aruba den su man. Nan tabata forma parti di un protesta pero no tabata mucho cla kico e causa tabata.

Den pasado Danies a yega di protesta na varios ocasion y tambe a spuit rond di Aruba e palabra ‘Aruba Pro Pedofiel’. Aunke cu na momento cu prensa a yega nan tabata bastante trankilo, sinembargo nan tabata para mey mey di caminda si. Polis a dicidi di detene tur tres persona y a pidi pa e dogcatcher transporta nan pa warda di Polis. Tabata ayera anochi cu Danies tabata den un programa di ‘Djies Pa Hari’ unda el a trece varios punto cu e no ta di acuerdo cu ne pero primordialmente riba corupcion.

Polis a detene tres manifestante, blokiando trafico dilanti Bestuurskantoor

Polis a detene tres manifestante, blokiando trafico dilanti Bestuurskantoor. Click e link pa mas https://24ora.news/2MaACGl

Posted by 24ora on Friday, May 29, 2020