Awe tardi pa 4:00pm a sosode un accidente dilanti di Club Arias na Savaneta. Un auto marca KIA modelo Sportage color bruin scur biniendo for di San Nicolas a perde control y dal den banda di un auto marca Toyota modelo Corolla color shinishi.
Dor di e impacto e KIA a manda e Toyota riba acera te otro band’i caminda y despues perde control y dal frontal den un auto marca Isuzu modelo Pickup.
Un total di dos unidad di ambulance a presenta na e sitio pasobra tanto chauffeur como pasahero den e KIA Sportage a resulta levemente herida. Daño material ta considerabel.
