Diasabra atardi laat a sosode un accidente riba e caminda di Ponton. Net riba e T-Weg di Citgo Ponton. Un auto chikito cu cuater pasahero aden a sali for di e caminda di CITGO sin duna preferencia na un Kia shinishi cu tabata bayendo Playa. E auto cu no a duna preferencia a dal e Kia na su wiel di patras. E chauffeur di e Kia a perde control y su auto a dal un buelta di 180 grado.
Di direccion contrario tabata bin un pickup Nissan color cora. E chauffeur di e pickup no por a evita otro impacto mas riba e Kia. E Kia a bay dal den e Pickup Nissan. E ta parce manera ta e pickup no a brake y a pega tras di e Kia. Pero den e accidente aki ta e Kia a dal un buelta bay den e parti di direccion contrario y topa cu e pickup.
Prome instante a papia di hende levemente herida pero ningun kier a bay hospital. Esunnan encarga cu seguro a presenta pa atende e accidente. Testigonan ta bisa cu un homber tabata na wiel di e auto cu a ocasiona e accidente. Djey nan a mira e homber sinta na banda y un dama na stuur wardando esnan di seguro. Polis tambe a ser informa. E Kia shinishi y e Nissan pickup ta e dosnan cu mas daño material. Mirando cu ta un caminda principal polis a desvia trafico pa e investigacion por a sigui su proceso sin problema.
