Awe madruga recherchenan di Atracoteam di Cuerpo Policial Aruba a haci entrada hudicial na 3 diferente cas. Ta casnan situa den e bario di Boroncana na Noord, Madikikavel na Playa y Tamarijn na Paradera.
Durante e “huiszoeking”, riba ordo di Fiscal di Ministerio Publico y cu permiso di Hues Comisario, a detene dos homber di inicialnan R.G.St.J. di 22 aña di edad, J.K.F. di 27 aña di edad y e dama di inicial C.N.R.L. di 41 aña di edad. Tur 3 ta Arubiano, pues di nacionalidad Hulandes.
Na e cas na Tamarijn a confisca tambe un arma di candela y droga. Cu esey por conclui cu ta trata aki mas bien di un organisacion criminal, den cual na e cas tin tur nan “hermentnan di trabou” pa por conduci nan “negoshi” den baho mundo.
Ta sospecha e tres sospechosonan di tin di haber cu un atraco cometi riba un señora dia 27 juni 2020 dilanti Fermins Bar den e bario Boegoeroei, na e districto di Noord.
