Transmision historico di Arubadag diadomingo awo

Manera cu tur hende sa, diadomingo awo, dia 24 di Maart lo tin celebracion di Arubadag na Ahoy Rotterdam. Esaki lo bira un evento grandi mirando e gran cantidad di banda di Aruba cu lo tey pa asina e Arubianonan na Hulanda por celebra dia di Aruba.

Live for di Hulanda – IBIS Hotel Den Haag

Live for di Hulanda – IBIS Hotel Den HaagE cobertura ta powered by TUI- Lotto Aruba – SETAR NV – Bocaprins Bar – Stellaris Casino y QF Global Network, KIA Motors Aruba , FCCA & VCC International.

Posted by 24ora on Thursday, March 21, 2019

Naturalmente Aruba ta hopi pendiente pa e ambiente aki, pero tambe pa mira famianan. Pa e motibo aki lo tin un transmision historico forma pa tres medio di comunicacion. 24ora.com hunto cu CoolFM 98.9 y tambe ITV canal49, lo ta transmitiendo esaki den forma bibo. E transmision lo cuminsa pa 7’or di mainta caba for di Rotterdam.

Ya caba e ekipo ta na Hulanda pa asina cuminsa cu e trabaonan di preparacion tecnico pa e transmision. E transmision lo por wordo mira riba ITV canal 49, pero tambe riba 24ora.com su website, CoolAruba.com y tambe riba nan respectivo pagina di facebook.

Naturalmente tambe por scucha e transmision atrabes di CoolFM98.9. Algun di e atraccionnan principal pa e Arubadag 2019, ta Claudius Phillips y Oreo, D’licious, Honeypot, Jeon, Grupo di Betico y hopi mas. Sintonisa e transmision historico aki, bao di e nomber Circuito Nacional diadomingo awo, 24 di Maart pa 7’or di mainta, cual lo sigui te cu oranan di merdia, ora di Aruba.

Un danki ta bay na e sponsornan cu t haci e transmision aki posibel: TUI – Lotto Aruba – SETAR NV – Boca Prins Bar – Stellaris Casino y QF Global Network, KIA Motors Aruba & VCC International.