Transmicion local: Parce cu esunnan contagia tabata den contacto cu hopi hende

16761

Aruba a registra awe cinco caso di Covid 19 transmision local. Cu transmision local ta ser referi cu e persona no tin un historia di biahe y a contrae e virus aki na Aruba mes. Parce cu ta un pareha y tres caso separa di hendenan cu no tin ningun contacto cu otro. Pero e pashentnan ta traha den club nocturno y otro cu ta frecuenta gym, awor ta haciendo “contact tracing”.

Cu registracion di e cinco casonan aki di transmision local, CrisisTeam ta eleva nan medidanan segun plan di maneho y contingencia di e virus. E elevacion ta nifica cu desde dia 3 di augustus ”mondmasker” lo bira un recomendacion fuerte di uzo tur caminda y bou tur circunstancia unda cu no por cumpli cu distanciamento fisico di 1.5 meter y tampoco no tin un barera fisico manera glas of flexiglass memey pa recompensa e distancia menos di 1.5 meter. E medida di proteccion aki ta conta den tur situacion y pa tur localidadnan cu ta duna servicio paden y pafo den aire liber. 

Casnan di cuido di nos grandinan, servicionan religioso, ceremonia di entiero, gym y tur organisacion mester reinforsa nan protocol nan y implementa esakinan estrictamente. Medidanan extra cu lo bin na vigor entrante dia 4 di augustus ta encera:

• Mesanan den restaurantnan no por tin mas cu 4 persona, excluyendo mucha bou 12 aña.
• Bar (toonbank) den localidadnan no por duna servicio, dus no por tin stul na bar pa sinta.
• No por tin actividad musical sea live of DJ
• Deporte interior den grupo mester para
• Deporte interior di contacto mester para
• Deporte di contacto outdoor mester para
• Samenscholing verbod ta bin na vigor bek, unda no mas cu 4 persona por ta hunto riba tereno publico.

Awor cu a registra transmision local atrobe na Aruba, comunidad mester ta mas consciente di nan propio proteccion. E metodonan di proteccion ta sigui ta vigente y ta introduci mondmasker pa preveni cu e virus por sigui plama. DVG y Gobierno ta urgi un y tur pa practica e reglanan cu hopi disciplina pa hunto nos logra un bez mas pa controla transmision local di e virus.

· Laba man cu awa y habon frecuentemante of uza handsanitizer

· Evita mishi cu wowo, nanishi y boca.

· Mantene distancia fisico di 1.5 meter y unda no por cumpli uza un mondmasker

· Si bo tin sintoma, yama bo Dokter di cas pa por haci un test.