Trahadonan di TraiMerdia na Scol Primario Kudawecha tambe a tene un walkout dialuna merdia.
Esther Dijkhoff, un di e maestranan na TraiMerdia na Scol Primario Kudawecha a indica cu motibo di nan accion ta cu e 12.6% ta pisa hopi riba nan cartera, vooral cu nan ta 31 ora so nan ta traha.
En berdad, nan a yuda cu e FASE y nan a haci esaki di curason. Pero awo si nan no por mas. Nan tin un disgusto ta grandi, e ta un peso. En total tin shete centro y nan tur a bay den accion simultaneo, pa mustra nan descontento pa cu e 12.6%. Nan ta prepara pa intensifica nan accion.
Nan tabata tin apoyo tambe di nan coleganan di TraiMerdia di Prinses Amalia School, cu tambe a bay den accion simultaneamente cu nan coleganan di TraiMerdia di Scol Basico Kudawecha.
Pa un relato mas amplio, lesa TREMPAN.