Ta mas cu un aña cu minister Andin Bikker a apunta un Management Team pa Imigracion na Aeropuerto. Despues di un aña ainda tur cos ta mescos. Decision ta wordo tuma y ningun informacion ta wordo duna na trahadornan. Poco poco ta tende di e cambionan. Cosnan bayendo robes den imigracion. Hopi promocion ta pega. Management Team a bin pa drecha e situacion y nan tin un aña sin haci nada. Trahadornan ta hopi rabia cu Management Team.
Kier pa e minister tuma e pasonan necesario. Ta pega cu formatie rapport y promocion. Ta bisa cu turismo ta unico pilar economico y pesey minister mester atende e asunto rapido. Ta atende miles di turista tur dia. No a tende nada di management team. Tur cos ta den secrecia y trahadornan cu ta disgusta kier sa kico a pasa y kico lo bay pasa. E Management Team ta consisti di Trudy Hassel y Icho Matos. Nan ta esnan cu ta dirigi e departamento. E comunicacion di nan cu Imigracion ta nihil. Nunca a subi splica kico nan ta haci y kico nan ta bezig cune. Nan merece mas informacion y atencion di e minister. A warda cu pasenshi pero e emmer a cuminsa bay over segun e trahadornan di imigracion. Nan sindicato ta TOPA y SEPPA pero e cos ta pega.
Mayoria trahador ta cu SEPPA y TOPA y cos ta pega. Ta bisa pa warda pero nan kier sa warda cuanto tempo. E cosnan no ta algo cu nunca a existi. E cos ta tur tranka. E trahadornan kier sa kico ta pasando. E pidi pa e minister di husticia atende e asunto aki pronto pasobra a cuminsa rek manera un kakiña. Tin hopi cos mas pasando na imigracion pero no ta bay den detaye ainda. Kier a mira e cambionan y e cambionan mester a tuma luga hopi tempo caba. E departamento tin 50 aña caba y awor nan merece un oido pasobra e ta manera un barco sin capitan.
