Pa algun dia caba e trahadornan di GKMB a notifica 24ora.com cu nan ta disgusta. Nan tin mas cu un aña buscando atencion di minister responsabel pa nan departamento pero nada. Ningun dia e minister a yega cerca nan na GKMB segun e trahadornan. GKMB ta yena cu problema y e mandatario no ta worry cu nan. Por corda solamente cu e mandatario a pusha varios trahador nobo den GKMB cu ta hendenan cu a campaña cune durante eleccion.
No ta conoci dikon minister pa casi un aña y mey no kier duna oido na e trahadornan cu a busca tur manera di haya e mandatario pa expresa nan problemanan y haya un solucion pa nan. 24ora.com mes a busca manera di haya contacto cu e minister y mustra cu e trahadornan kier su atencion. A pidi e mandatario un entrevista tambe y el a bisa cu dialuna e no por pero diamars por duna un entrevista. No ta solamente e tema aki kier toca cu e minister Dangui Oduber pero tambe e tema di FMAA cu tambe e trahadornan ta wardando reunion cu e minister.
Asina tin algun tema mas di interes cu pa nos ta importante pa e minister aclarea y asina evita un malcontento. E trahadornan di FMAA a protesta un biaha caba. Nan ta sinti cu no tin maneho di adiccion di parti di gobierno. Pa loke ta e trahadornan di GKMB nan kier bay den un protesta sea dialuna of diamars si minister no ta atende cu nan peticion pa scucha nan dolor. Esaki despues cu pa un aña y mey desde comienso di gobernacion nan ta wardando e bishita di nan minister.
