Diamars atardi ora tur hende tabata caminda pa cas despues di nan rutina laboral. Riba De La Sallestraat un chauffeur no a calcula distancia dal tras di un otro auto.
E hoben a baha pa wak daño na su auto y papia cu chauffeur su tras a ripara cu e homber envolvi den accidente tabata papia poco bruha y haya holor di alcohol. E homber a haci di un pieu bira un baca. A cuminsa grita y papia palabra menos bunita. E hoben chaufffeur a spanta yama Polis mirando e situacion.
Un rato despues e chauffeur di auto A-19382 cu a ocaciona e accidente a primi trot y baha na awa. E hoben chauffeur a logra saca potret di e auto cu e chauffeur envolvi den dje y duna Polis esaki. Autoridad a keda di bishita e chauffeur cu ta traha na Fast, pa wak kico tabata su pura y no a warda riba instancianan concerni bin atende cu e accidente.
