Trahadonan di WEB no ta di acuerdo cu decision di gerencia

2518

Trahadnan di WEB preocupa cu e situacion di coriente. E trahadonan ta para tras di pueblo pa esaki, pero nan preocupacion ta grandi. Gerencia di WEB kier implementa un sistema pa nan traha 12 ora. E trahadonan no tin problema pa traha e oranan ey y ta contento cu esaki. Segun un di e trahadonan preocupa, nan a bin cu un sistema di cuarentena paden. Pero e manera di dictorial cu nan kier bin uza di e situacion, esey ta loke e trahadonan no ta di acuerdo. “Nan kier bin cu un bezetting casi imposibel pa nos cumpli cun’e,” el a sigui bisa.

Uno tin cu traha cu 6 motor, otro tin cu traha cu 4 motor grandi unda cu normalmente tin 2 hende pero awor kier pone 1 hende so. Esey ta trece siguridad den problema y no ta e miho manera pa garantisa coriente continuo pa pueblo. Door cu ta minimisa e cantidad di trahado ta pone e diferencia grandi entre e trahadonan y gerencia.

Trahadonan di WEB preocupa cu situacion

Posted by 24ora on Thursday, April 2, 2020

Di pone 1 hende traha cu demasiado motor, esaki ta bira un problema y peliger pasobra no por haci e trabou manera mester ta. Esaki ta prome biaha cu nan ta pasa den e situacion aki. Segun e trahado, gerencia kier implementa esaki sin puntra nan. El a sigui bisa cu eigenlijk sindicato a cay den bou nan sugerencia. Pero e sindicato ta casi di acuerdo cu gerencia pa esaki, mientras cu e trahadonan mes no ta di acuerdo cu e sistema aki.  
Un otro trahado a bisa cu e situacion aki ta preocupante mirando cu nan tin hopi experencia cu e hefenan aki . E gerencia ta bisa cu esaki ta solamente p’e situacion aki, pero door di experencia di pasado cu nan a uza un maniobra y nan sa cu e gerencia lo uze bek contra nan den futuro. E trahadonan sa di esey y p’esey ta disgusta di e manera con ta implementa cosnan.

Sindicato a sinta cu gerencia, pero e trahadonan no a tende nada di nan. E trahadonan a duna nan input na e sindicato, kende a hiba esaki pero no a tende nada. Nan ta pushando duro pa implementa e cambio aki pa dia 7 proximo. E cos aki ta bayendo cu un velocidad masha halto y nan ta preocupa. E trabou lo bira menos safe, ta manca trahado sin mester.

Desde cu e crisis a cuminsa no a sosode nada, pero awo kier implementa tur cos. E trahadonan no ta di acuerdo y ta pensa cu tin algo su tras. E problema ta pa pone un operator mira 6 motor y un otro operator mira 4 motor grandi. Tin trabou den WEB, pasobra esaki lo keda lora 24 ora. Nan ta sinti cu no por manca nan, nan ta traha warda y nan tambe tin famia na cas. Pa por tuma e siguiente stap, nan ta warda kico lo trece dilanti pa nan.–