Trahadonan di Serlimar cu nan rason a dicidi di pone trabao abao. Nan no ta prepara pa haci nan trabao, awo cu nos ta den un situacion di crisis, pa motibo di coronavirus. Tur loke nan a haya pa “proteha” nan mes, ta un boter chikito di handsanitizer, cual e trahadonan ta haya cu no ta husto.Yuri Schwengle, representante di STA, a menciona cu e trahadonan kier proteccion.
Berdad gerencia a duna handsanitizer, a duna alcohol. Pero tin mas cos. Tin e sushi cu nan ta topa cun’e durante di recogemento di sushi.Kier preveni coronavirus. E trahadonan tambe tin famia, nan tambe tin yiu y demas hendenan na cas. Ta exigi mas cos. Awe, diamars, 17 di maart, trahadonan di Serlimar no lo piki sushi te ora cu haya tur locual cu a wordo pidi.A bisa cu a busca material pero un boter di handsanitizer chikito, no lo bay yuda. Ta prefera di evita e virus pa Serlimar en general. Tur hende a papia di tur departamento, menos Serlimar, unda cu nan ta bin den contacto cu e sushi directo.
Awe a dicidi cu Serlimar no ta sali riba caya, ni prome grupo, ni di dos. Ta evalua pa diahuebs si ta sali recoge e sushi di awe, diamars, pero si tin tur cos disponibel.Ta spera cu loke cu e trahadonan kier, esta proteccion, hay’e pa diahuebs, pa por sali subi ruta.Geerman no ta papia den nomber di e sindicatonan, sino di e trahadonan y Serlimar en general. For di e momento ey e trahadonan a bay cas y prepara pa bin diahuebs, si tin tur cos in place, pa nan por sigui cu trabao. Si no haya tur cos, trabao ta para, te ora cu nan haya e proteccion necesario pa nan por cumpli cu nan trabao.Un otro trahado, Wernet, a menciona cu si gerencia bisa “no work no pay”, no ta problema. Ta trah’e diahuebs, ta traha diabierna, pero diasabra y diadomingo ta overtime.
Si diahuebs no tin loke a pidi, ta bolbe pone trabao abao. El a menciona cu un di e trahadonan di Serlicor, a haya coronavirus, door di traha den sushi. Esey ta loke e trahadonan kier evita pasobra coronavirus ta un malesa cruel. Nan tin nan famia, yiu y nietonan y tambe nan casa.E trahadonan kier evita pa e virus plama. Ta pa e motibo ey nan ta pone trabao abao. Loke nan kier ta proteccion. Awo tin cu wak con cos ta para pa diahuebs si nan haya proteccion, nan lo sali normal. Y si no tin proteccion, e situacion ta keda mescos cu awe, no tin pikimento di sushi.
