Trahadonan di Isla ta sumamente rabia pasobra no tin placa pa paga nan

E portanan di Isla ta cera y e trahadonan ta sumamente rabia pasobra nan kier haya nan cen. Y nan a laga sa cu ningun hende lo drumi. E preocupacion ta sumamente preocupa y ta hopi hostina.

Alex Molina, secretario di sindicato PWC tabata tey presente y a splica cu nan ta pendiente. Gerencia a reuni cu gobierno, Banco Central y hasta RDK. A yega na informacion caminda cu ta bisa cu e cen cu Girobank a vries, nan no por haci nada nada cun’e. Ta e cen cu tin cu paga nan fin di december y fin di januari tambe.

Ora cu a puntra minister, el a menciona cu e no tin nada di haber cu Girobank, cual ta problema di Banco Central y Girobank. Di otro banda nan ta papia cu a schuif e representacion di Banco Central, cual a splica loke nan a bisa den conferencia di prensa.

Pero na e momentonan aki nan ta rabia cu gerencia a bisa cu no por paga e trahadonan. Y ora mira pakico, ta conoci caba. A trece esaki dilanti na e coleganan caminda cu nan a sali bay na pia di trabao, warda.

Molina no a mira minister, ni tampoco e presidente di e sindicato. No tin tempo pa wak volg loke e minister ta papia den media. Si ta asina, e bin y duna cara y bin splica si e por los e cen ey. Y si no por e tambe bin bisa esey.

Atrobe ta duna espacio pa regla tur cos parti mainta y awo e parti atardi a bira di e trahadonan. Ningun accion no ta dushi y tin su consecuencianan y poco poco nan ta sinti’e. Cada minister ta riba nan mes haci nan cos. Awo nan tin cu wak con nan ta uni loke nan compichi ta haci.

Minister a bisa cu e ta bay yuda pa esnan debe isla cu nan debe. Awo e cen cu nan busca ta yega pa paga e trahadonan? Y ta cen di e refineria.

Molina a menciona pa no provoca e trahadonan, pasobra awor aki nan ta dispuesto. El a logra wanta nan te asina leu.