Trahadonan di Isla a blokia caminda den forma di protesta

Trahadonan di Isla a blokia caminda den forma di protesta

Trahadonan di Isla a blokia caminda den forma di protesta

Posted by 24ora on Wednesday, February 6, 2019

Corsou a lanta diaranson mainta cu diferente blokiada. Na altura di entrada di Nieuwhaven, na Damen, tabata tin auto cu a blokia caya, na altura di Ennia.

ADV

Esaki tabata algo cu ta prome biaha. Nan a coy un kraan for di den un luga cu tabata warda, a sak’e, pone net na altura ora cu baha e brug, a pone di dwars mey mey di caminda, cu ningun auto no por pasa, mirando e trafico cu tin cu pasa mainta, cu ta sali di Otrabanda, pa bin Punda, pa bay traha.

Sigur mester bisa cu e manifestantenan di Refineria Isla, of esnan cu ta traha na e refineria, ta manifestando e dianan aki, mirando cu sigur nan ta bisa cu ningun barco no por yega cu crudo pa refineria por rafina, mirando e embargo cu tin riba e barconan di Venezuela y a pidi Gobierno pa haci mesun cos cu ConocoPhillips, a pone su beslag, pa kita e embargo of regla pa e barconan si por yega Corsou di un manera of otro, pa trece crudo pa refineria por sigui draai.

A sobra masha tiki, te hasta ta papia cu nan tin cu para e plantanan di refineria cual no ta confirma ainda.

Esaki ta mirando cu crudo cu tabata tin, ya ta cabando of a aba. Pero manifestantenan na e momentonan aki, nan a dicidi cu nan ta bay nan sede sindical, cual ta PWFC, riba Schottegatweg. Akinan ta sigui haya informacion y mas nan rabia. Nan ta subi caya, sende cayanan na candela, pa asina ey stroba e trafico, pa pone nan presion. 

Mester bisa tambe cu sigur polis, den oranan di mainta, a haci un detencion di un persona cu tabata move riba un bicicleta y e persona aki a yega dado momento, pone su tairanan, sende nan na candela, blokia un otro parti di Schottegatweg. Polis cu ta move den burger, a nota esaki y nan a percura pa e team di polis cu ta move pa detene e cabayero aki mesora, hink’e den auto y bay warda cun’e.

Tin cu bisa, tur loke cu ta auto, kraan, tur cos cu nan uza pa blokia cayanan cun’e, esaki nan ta keda confisca te na un otro aviso, na momento cu tur cos keda trankilisa.

Esnan cu a usa nan auto pa blokia caminda, polis ta coy nan y hiba nan na Cura di Raspa, bay warda te na momento cu tur cos trankilisa.

Posiblemente mañan por ricibi e vehiculonan bek. Situacion keto bay ta tenso. E manifestantenan ta na sindicato PWFC, pendiente kico ta bay sosode mas despues.

Comments

comments