Trahadonan di FPNA no kier entrega 40% di salario

2226

Trahadonan di Fundacion Parke Nacional Arikok (FPNA) a reuni cu nan sindicato SEPPA, unda cu a trata e situacion cu gerencia kier kita 40% di nan salario. Esaki a pone cu e trahadonan no ta contento y no ta di acuerdo pa entrega 40% di nan salario.

Magaly Brito, secretario general di SEPPA, a splica cu e gerencia a bin cu proporsicion p’e trahadonan haci un entrega di 40% di salario. E discusion ta cu esun di gobierno ta di 12.6% y si ta tene na cuenta e 5% di dje, pero gerencia a bisa no. Pasobra nan tin algo otro cu ta e 40%. Gerencia a reuni cu e trahadonan, kendenan a bisa di no ta contento cu esey.

Trahadonan di FPNA no kier entrega 40% di salario

Trahadonan di FPNA no kier entrega 40% di salario Click link pa mas: https://24ora.news/39wZcwu

Posted by 24ora on Thursday, January 14, 2021

E trahadonan ta rabia cu e gerencia p’e direccion cu ta bay. Nan a mira den medianan di prensa cu FPNA ta desmenti cu e proposicion di 40% pero SEPPA a haya un carta di nan. Den e carta aki ta poni di entrega di 40% hunto cu e 12.6% cu gobierno ta impone na e momentonan aki. Esey ta significa cu si trahadonan acepta, nan ta bay atras cu 52.6%. E trahadonan no por acepta, p’esey a tene e reunion unda cu ta discuti riba nan pensamento pa por manda un carta na gerencia di FPNA pa yega na un solucion.

Remigio “Rambo” Flanegin, park ranger di FPNA, a bisa cu nan kier pa nan bos yega minister. E trahadonan ta sinti cu e cos aki ta bin for di gerencia mes y no di minister. El a sigui bisa cu awo mester bin cu solucion.