Trahadonan di Eagle Resort ta sinti nan mes menasa door di gerencia

2042

Un grupo di trahado di Eagle Resort a cana caminda pa yega na oficina di Mediador di Gobierno pa motibo di ta sinti na nan mes menasa.   Gerencia kier nan firma un addendum de lo contrario lo no yama nan pa traha. Esaki vocero di un grupo grandi di empleado, Natalie, a bosa 24ora.com.

E problema sinembargo no ta algo cu ta data di awo, pero for di aña pasa caba, e vocero a splica. Esey tabata cu a cuminsa combersa cu otro pa inicia e proceso pa pidi un referéndum. Sinembargo yegada di COVID-19 a obstaculisa e situacion aki.

Trahadonan disgusta di Eagle Aruba Resort a presenta na mediador pa un solucion

Trahadonan disgusta di Eagle Aruba Resort a presenta na mediador pa un solucionClick link pa mas: https://24ora.news/2MnGPPj

Posted by 24ora on Tuesday, June 2, 2020

Manera cu otro hotelnan, a manda e empleadonan cas cu vakantie y a haya pago, segun e subsidio di salario y e parti cu e doño di trabou mester paga. Awo gerencia a traha un addendum c unan kier pa tur empleado firma, cual nan no ta di acuerdo c une. Pero ya caba nan a haya sa cu gerencia no tin pensa di haci peticion pa e subsidio di salario pa luna di juni. Banda di esaki, esnan cu no firma e addendum no ta bay traha, ademas di core e riesgo cu ta retira nan.  

P’esey a dicidi di acudi na Mediador pa informe cu nan kier uni nan mes na FTA y pidi un referendum. E hotel tin te dia 9 di juni pa informa si ta reconoce FTA of lo mester bay un referéndum.

Loke nan kier pa sinta na mesa y dialoga riba e situacion y no simplemente tira un addendum riba nan pa firma esaki.