Trahadonan di DVG ta sinti nan mes intimida dor di Management Team

536
Send a Tip 24 Whatsapp
RBC Loan Calculator
Hyundai i10
Special di Diamars Ling Sons
Download nos App
CMB Ban Cobra

Empleadonan di Gele Koorts en Muskieten Bestrijding (GKMB) cu ta resorta bou di Directie Volksgezondheid (DVG), a raporta awe cu nan ta bou presion enorme di e Management Team nobo. A bisa cu lo haci un encuesta bou di e trahadonan, relaciona cu funcionamento di e Director, drs. Jerry Staring. Pero, como cu e trahadonan ta na fabor di nan Director, a manda yama tur pa un reunion diabuebs mainta! Di 43 empleado den GKMB, ta 1 so a yena e encuesta cu a traha pa purba colga e Director.

Montero 1 Summer
ecosport
CIBC Get Moving
Redfish lunch Special Sept

Parce cu den DVG, e grupo chikito cu ta afilia na sindicato TOPA y cu ta politicamente liga na Partido MEP y Minister Dangui Oduber ta canando rond campañando duro bou di e mas di 170 empleadonan sin por haya e sosten desea. Nan a pidi TUR trahado pa sali protesta pero no a haya mas cu 20 colega pa para nan tras. Esey ta un grupo cu no por representa e mayoria di 178 trahado.

Es mas, parce cu Minister Oduber a manda bodyguard cana eyden cu na un forma intimidante purba haya control den e departamento. Nan ta teme cu tin empleadonan cu por lanta contra Jayburt Dijkhoff of contra e Management Team nombra ilegalmente na DVG. Esey tin e trahadonan disgusta y fada.

Specialmente pasobra Gobierno ta papia di medida, pero e mesun Minister aki a emplea riba 10 trahado nobo na DVG sin cu tin cupo habri ni tin lessenaar pa nan. A “cana kibra” bisando cu Minister a manda nan bin traha.

E situacion den DVG a bira di tal indole cu Departamento di Recursonan Humano (DRH) a manda informa Minister Dangui Oduber cu nan no kier forma parti di e comision di investigacion. E motibo ta masha facil, pasobra DRH tabata den e comision cu a recluta e Director nobo 2 aña pasa. E hecho cu Minister a gaña riba nan tambe a pone cu nan a manda un carta adicional pa subraya nan posicion y condena cu Minister Oduber a purba basa su decision pa suspende Staring riba un carta di nan. Den nan di dos carta a lamenta cu e mandatario deliberadamente a “mal interpreta” nan carta y como tal a splica di nobo.

Nan a tene na cuenta tambe cu Jayburt Dijkhoff tabata un di e candidatonan cu a postula pa e puesto di Director. Pues ta obvio cu no por haci un encuesta cu hendenan cu ta un partido directo envolvi of cu tin un interes personal pa yega na e funcion di director. Un otro ex-empleada di DVG cu a haya castigo pa comportacion na trabou, a baha cu VUT y awo ta bek pa investiga. E tambe a solicita pa e puesto di Director. DRH ta di opinion cu empleadonan cu baha cu VUT no por traha pa Gobierno pa por lo menos 6 aña!

Ta mas cu bisto cu henter e asunto aki ta un “set up” politico di votadonan liga na e partido na mando purbando pa burla di e proceso encamina pa DRH pa yega na un Director di DVG. Cu esey a dicidi pa no participa, cu ta haci e posicion di Minister mas zwak ainda den Corte otro siman. Pa purba balansa e situacion, ta poniendo presion pisa riba e Management Team, nombra politicamente, pa purba “convence” mayoria trahado pa firma contra e Director.

E situacion a bira pio awo cu a lanta un grupo colectando firma na fabor di Jerry Staring, pa evita mas metemento di politica den un departamento serio asina. Tambe nan ta bon consciente cu si Corte duna Staring rason atrobe, ta con lo sigui traha den futuro cune?

Comments

comments

Dragon Fly
home improvent
AC Delco 20% Service
Test Drive Cordia Carnival Village y Do It