For di siman pasa caba tin algo ta broei na Departamento di Infrastructura y Planificacion. A yega asina leu cu trahadonan a manda un carta pa prome minister pidiendo un reunion pa papia riba nan malcontento.
E trahadonan ta sinti cu no tin un maneho debido na DIP pero tampoco nan ta contento cu e forma cu ta trata nan. Ta parce cu no ta haya e oido necesario tampoco. Esey a pone cu nan a reuni y a manda un carta pa prome minister pidiendo un reunion, den cual e director tambe ta presente.
Ta parce cu nan no a haya contesta, pa cual awo e sindicato SEPPA a dicidi di pone forsa na e peticion haciendo apelacion na e mandatario, via di un carta, pa cumpli cu e peticion di e trahadonan. Te cu ayera nan no a haya contesta.
