Trahadonan di CITGO como accion a baha ritmo di trabou

Sindicato Federacion di Trahadonan di Aruba (FTA) despues di a manda un a carta pa Gobierno pidiendo un reunion urgente, sin haya esaki, a dicidi di manda un carta pa Joe Crawford, Interim Vice President & General Manager di Citgo Aruba Refining NV.

Den e carta nan ta menciona e mesun informe cu a manda pa Gobierno, informando e motibo pakico no por a acepta e oferta di Citgo pa finalisa relacion di trabou entrante 30 di januari, 2020. Esta cu nan di FTA no por conseha ningun empleado riba aceptacion di oferta si no tin claridad riba continuacion di acuerdo laboral  cu operadornan nobo di e refineria of di e terminal.

Pa tur e motibonan menciona den e carta, nan ta bisa gerente di e refineria cu te ora cu cumpli cu e obligacionnan legal y provee e sindicato cu e informacionnan encuanto futuro di e empleadonan, e miembronan di FTA lo bay den un “slow down action”. Pues ta traha pero na un forma mas “slow”.

Hunto cu e articulo aki tin copia di e carta manda pa e ehecutivo.

Loader Loading…
EAD Logo Taking too long?

Reload Reload document
| Open Open in new tab

Download [320.16 KB]