Aruba Bank tabata na EPI, hunto cu Camara di Comercio, haciendo trabou comunitario via Aruba Doet. Aruba Bank ta hopi contento di forma parti di ArubaDoet riba diabierna 15 di Maart. Hopi trahado di Aruba Bank a dicidi pa para trabao un rato pa yuda comunidad cu diferente trabao cu tin na diferente luga na Aruba.
Loke nan a haci, ta traha algun banki cu e muchanan tin mester, di manera cu nan por sosega entre e lesnan cu nan tin.
Semper Aruba Bank ta coopera cu diferente proyecto cu tin na Aruba y esaki ta un mas di nan.
Un dia yena di ambiente
Sharline Faro ta docente na Colegio EPI y el a splica cu tabata un dia yena di ambiente. Un rato por a wak cua tabata Aruba Bank y KvK, pero despues di un rato, ora cu nan a cuminsa caba, nan no por a distingui cua ta cua. Nan a siña y saca tur nan creatividad y experticio. Awo tin cu bay test e banki, pero nan tin pleno confiansa cu tur cos lo keda hopi bon.
En principio a pone pa traha seis banki. Esey ta pa cada parti di e muraya cu tin ariba. E ora ta fit’e den e muraya. Tin suficiente tuinbank bao di e gazebo, pero por ripara durante pauze nan ta scoge pa sinta bao di e afdak na e rand abao y tin biaha hasta drumi abao.
A papia cu e studiantenan y a bisa cu banki lo ta un solucion. Y a dicidi pa traha e bankinan e ora.
Nan no ta keda na banki so. Cada aña nan ta evalua si. E prome aña a haci e localnan cu tiki mas ambiente cu slogan cu nan mes a pinta, pa haci e localnan un tiki mas atractivo. Despues a haci un inventario di e magazijn di e praktijklokaal. E studiantenan mes a yuda y purba di reorganis’e. Awor aki a traha banki. Aña pasa nan a traha poppenkast, etc. Cada biaha ta evalua cu studiante y docentenan, kico por haci cu ArubaDoet, mas pa stimula hende participa y cera conoci cu e scol mes kico nan ta haci eynan.
