Trahadonan di Ambiente Feliz rabia y infeliz

Awo si trahadonan di Ambiente Feliz nan pasenshi a caba. A drenta luna di maart, y ainda no a regla e asunto di pago di nan Bashi Premie cu mester a sosode den luna di januari. Nan ta duna un dia mas y despues lo no traha mas, te ora cu yega na un solucion.

Den oranan di merdia e trahadonan a sali pafo di e sede di Ambiente Feliz na Sta Cruz. A papia hasta cu minister di Asuntonan Social Glenbert Croes, cu a priminti di busca un solucion, pero no sa unda esaki a keda.

Irma Dirksz, un empleado di Ambiente Feliz, a papia den nomber di su coleganan y a splica cu nan a demostra suficiente pasenshi for di januari pa awo. “Awe nos a dicidi di sali afo un biaha mas. For di dia 10 di januari mester a haya Bashi Premie pero nada. Te cu awe merdia 12’or no a haya contesta,” el a splica.

Pasenshi a caba! Trahadonan di Ambiente feliz no ta feliz

Pasenshi a caba! Trahadonan di Ambiente feliz no ta feliz

Posted by 24ora on Friday, March 5, 2021

El a bisa cu nan kier un splicacion y claridad pakico no ta haya e Bashi Premie, mientras cu a palabra algo riba e tema aki. A informacion cu den oranan di atardi nan sindicato SEPPA lo tin un reunion cu prome minister Evelyn Wever Croes. Si no haya un contesta of fecha, lo no tin trabou na Ambiente Feliz.