A mobilisa polis cu urgencia na momento cu a bati alarma pa un persona cu lo a cay for di un haltura y resulta herida. Esaki a tuma luga den careda di 2:40 pm den area di hotel nobo na Palm Beach, den cercania di strand politie. Na yegada, afortunadamente, a bin topa cu un scenario menos grave cu anticipa.
Un trahado lo a trompica y herida su mes cu material pisa den e area di contruccion. Demas compañero di trabou a pensa lo pio y kere cu ta for di haltura e lo a cay. Ambulance tambe a presenta pa asina atende cu e persona herida.
Un rato despues a transporta e victima direccion hospital pa atencion medico. Na sitio por a tuma nota di varios patruya cu a bin pa e asistencia cu a resulta di ta algo menos grave.