Servisio pa Obra Públiko (OW) ta anunsiá desaroyo di trabounan di mantenshon na e krusadanan elevá. Krusadanan elevá tin e propósito di hisa e seguridat den tráfiko. OW huntu ku e kontratista MNO Vervat ke informá ku tur kos a kana segun plan i mayoria ta kla.
Krusada elevá ku ta kla ta;
Saturnusstraat
Cas Coraweg
Brionplein, na De Rouvilleweg
Krusada elevá ku ta kaba djasabra aki ta;
Suffisantweg
Via di e karta aki, OW, kontratista MNO Vervat i Kuerpo Polisial Kòrsou ta gradesí pa e pasenshi pa eventual molèsternan ku a tuma òf ainda ta tumando lugá pa e kambionan temporal. Pa kualke pregunta tokante e proyekto por tuma kontakto ku OW via e number 433-4327, Whats app +5999511-8582 òf via di e-mail [email protected].
