Den ora di atardi a bin topa cu un mata grandi meymey caminda, waya di coriente tira abou y e bario sin coriente. Esaki a tuma luga riba caminda di Madiki Kavel direccion Bushiri, dilanti Grand Ocean, aproximadamente 3:10 pm.
Polis a presenta y desvia trafico mesora y asina spera yegada di Elmar pa cuminsa e trabou di reestablece coriente. Por a compronde cu tabata trata di trabou di mantencion den e area, pero no a premira cu e mata aki lo a bay cay riba e wayanan. A tuma un bon rato prome cu por a habri caminda bek. Elmar tambe a drenta den accion pa suministra coriente lo mas lihe posibel.
